கருவறை இருட்டு
கல்லறை நிசப்தம்
பிரகாசித்தவன்
இந்த பிரபஞ்ச ஒளியில்
இருண்டு கிடந்தான்.
m.a. peeroli
Monday, 12 March 2012
Wednesday, 25 January 2012
. வானவில்
மழை பெய்து ஓய்ந்த
மந்தார வேளை.
கீழ் வானில்
பூக்கும் வானவில்
என்னவளின்
கருவிழிக் குவலையில்
பிரசவிக்கும் முத்து
கன்னங்களில் –
பரிணமிக்கையில்
வெளிப்படும் சுரங்கள்.
உன்னை-
தரிசிக்கும்
ஒவ்வொரு முறையும்
சிலிர்த்துப் போகிறேன்.
மு. ஆ. பீர்ஓலி. எம்.ஏ., பி.எல்.,
25 th Jan 2012
Friday, 20 January 2012
. காலம் கடந்த தீர்ப்பு
சிதைக்குத் தீ மூட்டிய
வெட்டியான்
எரிந்து சொறியும்
சாம்பல் திவலைகளை
பார்த்து பெருமித்திருந்தான்.
சிதைக்குள்-
வியாபித்திருந்த கெட்டவைகளை
பொசுக்கி விட்ட நிம்மதியில்.
மு. ஆ. பீர்ஓலி. எம்.ஏ., பி.எல்.,
20 th JAN 2012
தாலாட்டு
தொட்டிலினில்
அழுது கொண்டிருந்த குழந்தை
அந்த பிச்சைக்காரியின்
தாலாட்டில்-
உறங்கிப் போனது.
விறகுடனும் அடுப்புடனும்
யுத்தம் செய்து
புகையில் உறங்கிப் போனாள்
இந்த தாய்
உலை கொதிப்பதற்காக.
மு. ஆ. பீர்ஓலி. எம்.ஏ., பி.எல்.,
20 th JAN 2012
ஓரு மனதின் தேடல்கள்
ஓளியற்ற
ஒற்றையடிப்பாதை
சுற்றிலும் நிசப்தம்
தனித்து நிற்கும் பனை மரம்.
தன்னந் தனியனாய்
தன் சிறகுகளின் ஒளியில்-
கிளைகளைத் தேடித் தேடி. . .
இன்னமும்-
தேடிக்கொண்டிருக்கிறது
பெயர் தெரியா பறவை.
மு. ஆ. பீர்ஓலி. எம்.ஏ., பி.எல்.,
20 th JAN 2012
Subscribe to:
Posts (Atom)